Internasjonal politikk
Noreg deltek i ei rekke internasjonale organisasjoner som påverkar den langsiktige utviklinga av dei nasjonale utdanningssystema. Dette skjer gjennom samanlikning og gjensidig læring mellom nasjonar.
Auka kontakt og samarbeid over landegrensene gjer at nasjonale skilnader mellom utdanningssystema blir mindre, og det kan bli enklare for skolar å samarbeide.
Utdanning er sentralt for å nå overordna økonomiske mål som konkurransekraft og bæreevne. På dette området er OECD og EU sentrale aktørar med stor gjennomslagskraft nasjonalt. Når det gjeld utdanning som kulturbærar og institusjon for danning, er Nordisk ministerråd, Europarådet og UNESCO viktige.
Satsingsområda i EU og OECD samsvarer på fleire område med norsk utdanningspolitikk, mellom anna:
- Tidleg start (barnehage)
- Livslang læring
- Fullføring av vidaregåande opplæring
- Større del av folkesetnaden med høgare utdanning
- Fleire vaksne under vidare- og etterutdanning
- Meir forskingsbasert kunnskap for utforming av utdanningspolitikk
- Auka vekt på grunnleggjande ferdigheiter som IKT, lesing og skriving, naturfag og språk