Samarbeid om høgre utdanning i Eurasia
Program for samarbeid om høgre utdanning i Eurasia støttar prosjektsamarbeid mellom institusjonar i Noreg og Armenia, Aserbajdsjan, Georgia, Kasakhstan, Kirgisistan, Kviterussland, Moldova, Tadsjikistan, Turkmenistan, Ukraina og Usbekistan. Programmet har og ei eiga stipendordning for studentar.
Målet med Eurasia-programmet er å bidra til fornying og internasjonalisering av høgre utdanning i samarbeidslanda. Prioriterte område er pensumutvikling, introduksjon av nye undervisningsmetodar- og materiale, utvikling av kvalitetssikringsmekanismar og utvikling av administrasjon og leiing.
Programmet er basert på ein avtale mellom SIU og Utanriksdepartementet som dekkjer perioden 2010 til 30.06.2015. Prosjekt- og stipendmidlar blir delte ut for åra 2011 til 2014. Ramma for programmet er opp til 20 millionar kroner i året.
Kven kan delta?
Alle godkjente høgre utdanningsinstitusjonar i Noreg og samarbeidslanda kan ta del i programmet. Eurasia-programmet støttar både fleirårige samarbeidsprosjekt og meir kortvarige aktivitetar. Eit mål med programmet er å byggje opp langsiktig samarbeid mellom institusjonar i samarbeidslanda og Noreg. Prosjekt bør difor støtte opp under dei involverte institusjonane sine prioriteringar og strategiar, og må ha støtte frå leiinga i institusjonane.
Hovudparten av informasjonen om Eurasia-programmet blir lagt ut på dei engelskspråklege sidene